وزیراعظم آج دہرہ دون اور دلی کے درمیان وندے بھارت ایکسپریس ٹرین کو جھنڈی دکھا کر روانہ کریں گے

وزیراعظم نریندر مودی آج ویڈیو کانفرنسنگ کے ذریعے دہرہ دون سے دلی تک کیلئے پہلی وندے بھارت ایکسپریس کو جھنڈی دکھا کر روانہ کریں گے۔ اتراکھنڈ میں متعارف کی جانے والی یہ پہلی وندے بھارت ایکسپریس ٹرین ہوگی۔ اِس ٹرین کے شروع ہوجانے سے بالخصوص ریاست کا دورہ کرنے والے سیاحوں کیلئے آرام دہ سفر کے تجربے میں ایک نئے باب کی شروعات ہوگی۔ یہ ٹرین بھارت میں ہی تیار کی گئی ہے اور یہ ٹرین Kavach ٹکنالوجی سمیت حفاظت کی جدید سہولیات سے آراستہ ہے۔
اِس سمت میں پیش قدمی کرتے ہوئے وزیراعظم اتراکھنڈ میں برق کاری کی گئی نئی ریل لائن سیکشن کوبھی وقف کریں گے۔ اس کے ساتھ ہی ریاست میں تمام ریل روٹ کی 100 فیصد برق کاری مکمل ہوجائے گی۔ (AIR NEWS)

Subscribe to Our Weekly Newsletter

• SHARE THIS
• TWEET THIS
• SHARE THIS
• E-mail