आपकी जीत में ही हमारी जीत है
Promote your Business

ফেব্ৰুৱাৰীৰ পিছতে ৰাজ্যত হ’ব পাৰে নতুন আঞ্চলিক ৰাজনৈতিক দল

news

গুৱাহাটী: ৰাজ্যত অব্যাহত আছে নাগৰিকত্ব সংশোধনী আইনৰ বিৰুদ্ধে প্ৰতিবাদ। বুধবাৰে পুৱাই ভোগালী বিহু উপলক্ষে মেজিৰ জুইত ৰাজ্যবাসীয়ে দাহ কৰে আইনখনৰ প্ৰতিলিপি। ইয়াৰ লগতে সকলোৱে অগ্নি দেৱতাক সেৱা জনাই ৰাজ্যত শান্তি-সম্প্ৰীতি অটুট ৰখাৰ বাবে প্ৰাৰ্থনা জনায়।  

ভোগালী বিহুৰ দিনাও ৰাজ্যৰ বিভিন্ন প্ৰান্তত অব্যাহত আছে বিতৰ্কিত আইনখনৰ বিৰুদ্ধে প্ৰতিবাদ। তাৰ মাজতে আহিছে এক ডাঙৰ খবৰ। অহা ফেব্ৰুৱাৰী মাহৰ পিছতেই ৰাজ্যত গঠন হ’ব পাৰে এক নতুন ৰাজনৈতিক শক্তি!

বুধবাৰে গোৱালপাৰাত ভোগালী বিহুৰ এক কাৰ্যসূচীত ভাগলৈ আছুৰ সভাপতি দিপাংকৰ নাথে কয় যে, ‘দিল্লীয়ে আমাক প্ৰতাৰাণা কৰিছে। যোগ্য প্ৰত্যুত্তৰ দিবলৈ ৰাজ্যত নতুন ৰাজনৈতিক দলৰ প্ৰয়োজন আছে। জাতিৰ সংকটৰ সময়ত কেন্দ্ৰই মাতি আনিছে সৰ্বনাশ। ৪৩ বছৰৰ অবৌধ বিদেশীৰ বোজা জাপি দি জাতিটো শেষ কৰিব বিচাৰিছে। এই অবৈধ বিদেশীৰ বোজা অসমে কেতিয়াও মানি নলয়।’

ভৱিষ্যতৰ দিনত আমি বিকল্প শক্তি লৈ আগবাঢ়ি যাব লাগিব। অহা ফেব্ৰুৱাৰী মাহৰ পিছতে এই প্ৰক্ৰিয়া জোৰদাৰ গতিত আগবঢ়াই নিব লাগিব বুলি মন্তব্য প্ৰকাশ কৰে আছুৰ সভাপতি গৰাকীয়ে। (INDIA ONLINE)

168 Days ago

Download Our Free App

Advertise Here