ভাৰতৰ প্ৰথম সৌৰ অভিযান আদিত্য এল ৱানৰ কক্ষপথ পৰিৱৰ্তনৰ তৃতীয়টো প্রক্রিয়া সফলতাৰে সম্পন্নভাৰতৰ প্ৰথম

ভাৰতৰ প্ৰথম সৌৰ অভিযান আদিত্য এল ৱানৰ কক্ষপথ পৰিৱৰ্তনৰ তৃতীয়টো প্রক্রিয়া আজি পুৱা সফলতাৰে সম্পন্ন কৰা হয়। ভাৰতীয় মহাকাশ গবেষণা সংস্থা ইছৰোই কৈছে যে বাংগালুৰুৰ আই এছ টি আৰ এ চি কেন্দ্ৰৰ পৰা এই প্রক্রিয়া পৰিচালনা কৰা হয়। মৰিচাছ, বাংগালুৰু, এছ ডি এছ চি-এছ এইচ এয়াৰ আৰু পোর্টব্লেয়াৰত থকা ইছৰোৰ কেন্দ্ৰৰ পৰা এই প্ৰক্ৰিয়াৰ তদাৰক কৰা হয়। কক্ষপথ পৰিৱৰ্তনৰ পৰৱৰ্তী প্রক্রিয়া ১৫ ছেপ্তেম্বৰত নিশা প্রায় ২ বজাত সম্পন্ন কৰা হ'ব বুলি ইছৰোই প্ৰকাশ কৰিছে। ইয়াৰ পূৰ্বে ৫ ছেপ্তেম্বৰত সৌৰ অভিযানৰ কক্ষপথত পৰিবৰ্তনৰ দ্বিতীয় প্রক্রিয়া সম্পন্ন কৰা হৈছিল আৰু আদিত্য এল বানক পৃথিৱীৰ পৰা সৰ্বাধিক ৪০,২২৫ কিলোমিটাৰ আৰু সৰ্বনিম্ন ২৮২ কিলোমিটাৰ দূৰত্বৰ কক্ষপথত স্থাপন কৰা হৈছিল। (AIR NEWS)

Subscribe to Our Weekly Newsletter

• SHARE THIS
• TWEET THIS
• SHARE THIS
• E-mail