રાજયમાં સૌરાષ્ટ્ર અને દક્ષિણ ગુજરાતમાં સાતમી મે સુધી હળવોથી મધ્યમ વરસાદ થવાની સંભાવના

હવામાન વિભાગે રાજયમાં કેટલાક સ્થળોએ ખાસ કરીને સૌરાષ્ટ્ર અને દક્ષિણ ગુજરાતમાં સાતમી મે સુધી હળવોથી મધ્યમ વરસાદ થવાની સંભાવના દર્શાવી છે.
આ સમયગાળામાં કેટલાક સ્થળે પવનની ગતિ વધીને 40 કિલોમીટર પ્રતિકલાક થઇ શકે છે.
દરમિયાન છેલ્લા 36 કલાકમાં મહેસાણા અને વિસાવદર તાલુકામાં 30 મીલીમીટર , વિસનગર, માણાવદર અને ઉપલેટામાં 20, અરણેજ, મોડાસા, વિજાપુર, ખેડબ્રહ્મા, સાયલા, લખપત, અંજાર અને રાણપુર તાલુકામાં 10 મીલીમીટર વરસાદ થયાના અહેવાલ છે.
આ સમયગાળામાં ઘણા સ્થળે મહત્તમ અને લઘુત્તમ તાપમાન સામાન્ય કરતા એકથી છ ડિગ્રી ઓછું નોંધાયું હતું.
સુરેન્દ્રનગરના ધ્રાંગધ્રા તાલુકાના જસાપર ગામની સીમમાં વીજળી પડતા એક યુવાન અને 40થી વધુ બકરાના મૃત્યુ નીપજયા છે.
ગીર ગઢડામાં રૂપેણ નદીમાં પૂર આવ્યું છે. (AIR NEWS)

Subscribe to Our Weekly Newsletter

• SHARE THIS
• TWEET THIS
• SHARE THIS
• E-mail