आपकी जीत में ही हमारी जीत है
Promote your Business

ಮಿಡಿದ ಶಾರೂಕ್ ಹೃದಯ: ರೈಲ್ವೆ ನಿಲ್ದಾಣದಲ್ಲಿ ಮೃತ ತಾಯಿಯೊಂದಿಗೆ ಆಟವಾಡುತ್ತಿದ್ದ ಮಗುವಿಗೆ ಸಹಾಯ

News

ನವದೆಹಲಿ: ಬಿಹಾರದ ಮುಜಾಫರ್ ಪುರ್ ರೈಲ್ವೆ ನಿಲ್ದಾಣದಲ್ಲಿ ಮೃತ ತಾಯಿಯನ್ನು ಅರಿವೇ ಇಲ್ಲದ ಪುಟ್ಟ ಕಂದಮ್ಮ ಎಬ್ಬಿಸುತ್ತಿರುವ ವಿಡಿಯೊ ಮನಮಿಡಿಯುವಂತಿತ್ತು. ವಿಡಿಯೊ ಸೋಷಿಯಲ್ ಮೀಡಿಯಾಗಳಲ್ಲಿ, ಮಾಧ್ಯಮಗಳಲ್ಲಿ ಭಾರೀ ಸುದ್ದಿಯಾಗಿತ್ತು. ಇದೀಗ ಆ ಮಗುವಿನ ನೆರವಿಗೆ ಬಾಲಿವುಡ್ ನಟ ಶಾರೂಖ್ ಖಾನ್ ನಡೆಸುತ್ತಿರುವ ಸರ್ಕಾರೇತರ ಸಂಘಟನೆ ಮೀರ್ ಫೌಂಡೇಶನ್ ಬಂದಿದೆ.

ಲಾಕ್ ಡೌನ್ ಆದ ನಂತರ ದೇಶದಲ್ಲಿ ವಲಸೆ ಕಾರ್ಮಿಕರ ಸ್ಥಿತಿಗತಿಗೆ ಕನ್ನಡಿ ಹಿಡಿಯುವಂತಿತ್ತು ಈ ವಿಡಿಯೊ. ತಾಯಿಯನ್ನು ಕಳೆದುಕೊಂಡ ಆ ಪುಟ್ಟ ಮಗುವಿನ ಸಹಾಯಕ್ಕೆ ಬರುವುದಾಗಿ ಶಾರೂಕ್ ಖಾನ್ ಹೇಳಿದ್ದಾರೆ.ವಿಡಿಯೊ ವೈರಲ್ ಆಗುತ್ತಿದ್ದಂತೆ ಮೀರ್ ಫೌಂಡೇಶನ್ ಮಗುವನ್ನು ಪತ್ತೆಹಚ್ಚಿ ನೆರವಿಗೆ ಬಂದಿದೆ.

ಸದ್ಯ ಮಗು ಅದರ ತಾತನ ಆರೈಕೆಯಲ್ಲಿದೆ ಎಂದು ಮೀರ್ ಫೌಂಡೇಶನ್ ಟ್ವೀಟ್ ಮಾಡಿದ್ದು ಮಗು ಮತ್ತು ಆ ಮಗುವಿನ ಸೋದರ ತಮ್ಮ ತಾತ-ಅಜ್ಜಿ ಜೊತೆ ಇರುವ ಫೋಟೋವನ್ನು ಶೇರ್ ಮಾಡಿದೆ.

ಇಡೀ ದೇಶ ಕೊರೋನಾ ಸೋಂಕಿಗೆ ಪರಿತಪಿಸುತ್ತಿರುವ ಸಂದರ್ಭದಲ್ಲಿ ಕೆಲವು ನಟರಂತೆ ಶಾರೂಕ್ ಖಾನ್ ಸಹ ಬಡವರು, ವಲಸೆ ಕಾರ್ಮಿಕರು, ಕೊರೋನಾ ವಾರಿಯರ್ಸ್ ಗಳ ನೆರವಿಗೆ ನಿಂತಿದ್ದಾರೆ.

(KANNADA PRABHA)

35 Days ago

Download Our Free App

Advertise Here