جنوب مغربی خلیج بنگال کے اوپر ہوا کے کم دباؤ کی وجہ سے کل شام سے تمل ناڈو کے کئی اضلاع میں دور دور تک بارش ہوئی ہے۔ یہ پچھلے چھ گھنٹوں سے چار کلو میٹر فی گھنٹے کی رفتار سے شمال مغرب کی جانب بڑھ رہا ہے۔ آج صبح سویرے یہ پڈوچیری کے 440کلو میٹر جنوب مشرق میں اور چنئی کے 470کلو میٹر جنوب مشرق میں مرکوز تھا۔ آج یہ تیز ہو کر سمندری طوفان کی شکل اختیار کر لے گا اور دوپہر بعد چنئی کے نزدیک کرائیکل اور مملّاپورم کے درمیان ساحل کو پار کر جائے گا اس کی وجہ سے ایک سو سے 110کلو میٹر فی گھنٹے کی رفتار سے ہوائیں چلیں گی۔
محکمہ موسمیات نے کہا ہے کہ آج تمل ناڈو میں ڈیلٹا خطے اور Ariyalur اور پڈوچیری میں کرائیکل میں مختلف مقامات پر شدید بار ش ہونے کا امکان ہے۔ اس سمندری طوفان کے زیراثر چنئی اور اس کے اطراف کے اضلاع اور وسطی تمل ناڈو میں شدید سے انتہائی شدید بارش ہو گی۔ ماہی گیروں سے کہا گیا ہے کہ وہ خراب موسم کی وجہ سے سمندر میں نہ جائیں۔
وزیراعظم نریندر مودی نے تمل ناڈو کے وزیراعلیٰ ای پلانی سوامی اور پڈوچیری کے وزیراعلیٰ وی نارائن سامی سے سمندری طوفان Nivar کے پیش نظر صورتحال کے بارے میں بات کی۔ جناب مودی نے ریاست اور مرکز کے زیر انتظام علاقے کے لئے مرکز کی طرف سے ہر ممکن مدد کا یقین دلایا۔ انہوں نے متاثرہ علاقوں میں رہنے والے لوگوں کی خیر و عافیت کی دعا کی۔ (AIR NEWS)