مرکز ریاستوں کو معاوضے کےلئے فوری طور پر 20 ہزار کروڑ روپے جاری کرے گا

مرکز اس سال معاوضہ محصول کے طور پر اکٹھا کی گئی رقم سے فوری طور پر ریاستوں میں تقریباً 20 ہزار کروڑ روپئے تقسیم کرے گا۔ وزیر خزانہ نرملا سیتا رمن نے GST کونسل کی 42ویں میٹنگ کے بعد کل یہ اعلان کیا۔ نئی دلّی میں میڈیا کو تفصیل بتاتے ہوئے وزیر خزانہ نے مطلع کیا کہ اگلے ہفتے تک مرکز اُن ریاستوں کو 2017-18 کیلئے مربوط GST کے تحت اکٹھا کی گئی 25 ہزار کروڑ روپئے بھی دے گا، جنھیں خامیوں کی وجہ سے کم رقم ملی ہے۔ محترمہ سیتا رمن نے بتایا کہ GST کونسل نے GST معاوضے کی التوا میں پڑی ادائیگی کے طریقے کے بارے میں فیصلے کو کونسل کی 12 اکتوبر کی میٹنگ تک مؤخر کرنے کا فیصلہ کیا ہے۔ انھوں نے بتایا کہ تقریباً 20 سے 21 ریاستوں نے مرکز کی جانب سے دیئے گئے متبادل کو چُنا جس میں ریاستوں کو معاوضے کی کمی کو پورا کرنے کیلئے قرض لینے کی اجازت ہے۔
میڈیا بریفنگ کے دوران موجود ریوینو سکریٹری اجے بھوشن پانڈے نے بتایا کہ اگلے سال یکم جنوری سے پانچ کروڑ روپئے سالانہ سے کم کاروبار والے ٹیکس دہندگان کو ماہانہ GSTR-1 اور GSTR-3B ریٹرن داخل کرنے کی ضرورت نہیں ہوگی۔ انھوں نے کہا کہ انھیں اب سہ ماہی بنیاد پر ریٹرن داخل کرنا ہوگا۔ GST کونسل میٹنگ میں تمام ریاستوں اور مرکز کے زیر انتظام علاقوں کے وزرائے خزانہ نے شرکت کی۔ (AIR NEWS)

Subscribe to Our Weekly Newsletter

• SHARE THIS
• TWEET THIS
• SHARE THIS
• E-mail