مکمل انتخابی کمیشن بہار میں اسمبلی انتخابات کی تیاریوں کا جائزہ لے گا

اعلیٰ انتخابی کمشنر سنیل اروڑہ کی زیر قیادت مکمل انتخابی کمیشن کی ٹیم بہار میں اسمبلی انتخابات کی تیاریوں کا جائزہ لینے کیلئے پٹنہ میں ہے۔ اِس میں چناﺅ کمشنر سشیل چندر اور راجیو کمار بھی شامل ہیں۔ یہ ٹیم ریاست کے تین دن کے دورے پر کَل شام پٹنہ پہنچی۔
اعلیٰ انتخابی کمشنر نے وہاں پہنچنے کے فوراً بعد بہار کے اعلیٰ چناﺅ افسر اور رابطہ افسروں کے ساتھ جائزہ میٹنگ کی۔
آج انتخابی کمیشن کی ٹیم مختلف سیاسی پارٹیوں کے نمائندوں کے ساتھ میٹنگ کرے گی۔ ٹیم کے ارکان پٹنہ میں 26 ضلعوں کے DMs اور SPs کے ساتھ جائزہ میٹنگ بھی کریں گے۔
انتخابی کمیشن کی ٹیم کل گیا جائے گی جہاں 12ضلعوں کے DMs اور SPs کے ساتھ جائزہ میٹنگ ہوگی۔
جمعے کو دلّی واپس آنے سے پہلے اعلیٰ انتخابی کمشنر، ریاست کے چیف سکریٹری، داخلہ سکریٹری اور ڈائریکٹر جنرل پولیس کے ساتھ جائزہ میٹنگ کریں گے۔ (AIR NEWS)

Subscribe to Our Weekly Newsletter

• SHARE THIS
• TWEET THIS
• SHARE THIS
• E-mail